Lliteratura del Romanticismu

La lliteratura del Romanticismu foi un movimientu lliterariu que s'empecipió a fines del sieglu XVIII (ca. 1770) n'Alemaña, que s'esvalixó y cultivó por toa Europa hasta fines del sieglu XIX y que sigue exerciendo la so influencia hasta l'actualidá. Esti movimientu opúnxose al espansivu capitalismu industrial y al racionalismu ilustráu. Ente les sos carauterístiques principales atópense la constante presencia de temes preindustriales como la naturaleza y los mitos grecollatinos y medievales. Tamién se caracterizaba pola busca constante de la orixinalidá como una forma de oponese a la profesionalización del artista y de la conversión de la obra d'arte nuna mercancía, yá que los escritores profesionales sirvíense de téuniques d'escritures xenériques, efectives nel mercáu. Tamién se caracterizaba por concebir al artista como un intermediariu ente lo trascendental y lo inmanente; l'artista namái escribía pola inspiración, tamién como una forma d'oponese al profesionalismu na escritura.

Ente los autores románticos más destacaos atópense Johann Wolfgang von Goethe, Friedrich Schiller, Friedrich Gottlieb Klopstock, Percy Bysshe Shelley, John Keats, William Wordsworth y Edgar Allan Poe.